Хамгийн ойрын цагдаагийн газарт хандаж, паспорт гээсэн эсвэл хулгайд алдсан тухай албан ёсны тодорхойлолт (police report) гаргуулна. Тодорхойлолтын хувийг заавал авч хадгална уу. Энэ нь ЭСЯ-наас шинэ бичиг баримт авахад шаардлагатай.

Өөрт хамгийн ойр байрлах Монгол Улсын ЭСЯ эсвэл Консулын газартай яаралтай холбоо барина (утсаар, имэйлээр эсвэл биеэр очих). Ажлын бус цагт яаралтай тусламжийн утсаар холбогдох боломжтой (ЭСЯ-ны цахим хуудаснаас тодруулна уу).

ЭСЯ-наас танд Emergency Travel Document (ETD) буюу Монгол Улс руу буцах эрх бүхий нэг удаагийн яаралтай аяллын баримт бичиг олгоно. Энэ нь гадаад паспортыг бүрэн орлохгүй ч эх орондоо буцахад хангалттай.

ETD авсан тохиолдолд Монгол Улс руу шууд нисэх тийз худалдан авна. Зарим нөхцөлд дамжин өнгөрөх (транзит) улсаар дамжих эрх бүхий ETD олгодог. Монгол Улсад буцаж ирсний дараа УБЕГ-т хандаж гадаад паспортоо шинээр захиалж авна.