Буцаан олголтын бодлого

1. Үйлчилгээний шинж чанар

Gadaad.mn нь визийн бичиг баримтын бэлтгэлд туслах хувийн хэвшлийн үйлчилгээ юм. Бид элчин сайдын яамтай албан ёсны харилцаагүй бөгөөд визийн эцсийн шийдвэрийг тухайн улсын эрх бүхий байгууллага гаргана.

Тиймээс визээс татгалзсан хариу авсан тохиолдолд бид буцаан олголт хийхгүй — учир нь үйлчилгээ нь виз олгох баталгаа биш, харин бичиг баримтын бэлтгэлд туслах юм.

2. Хэзээ буцаан олгох вэ

Доорх тохиолдолд бид төлбөрийг бүтнээр нь буцаан олгоно:

• Техникийн алдааны улмаас үйлчилгээ авах боломжгүй болсон бөгөөд бид 24 цагийн дотор засаагүй (жишээ нь QPay-р төлсөн боловч захиалга үүсээгүй).
• Та төлбөр төлснөөс хойш ямар нэгэн үйлчилгээ (зураг шалгуулах, PDF үүсгэх, ярилцлагын бэлтгэл, бичиг баримтын шалгалт гэх мэт) ашиглаагүй бөгөөд 24 цагийн дотор буцаан олгох хүсэлт гаргасан.
• Хоёр удаа давхар төлбөр төлөгдсөн (систем алдаа).

3. Хэзээ буцаан олгохгүй вэ

Доорх тохиолдолд бид буцаан олголт хийхгүй:

• Та визээс татгалзсан хариу авсан. Дээр дурдсанчлан, бидний үйлчилгээ нь визийн баталгаа биш юм.
• Та аль нэг ухаалаг шалгалтын үйлчилгээг (зураг шалгуулах, бичиг баримт шалгуулах, ярилцлагын бэлтгэл, оноо тооцох, илгээхээс өмнөх шалгалт) аль хэдийн ашигласан.
• Та PDF татаж авсан эсвэл маягтаа экспортолсон.
• 24 цагаас илүү хугацаа өнгөрсний дараа хүсэлт гаргасан.
• Та өөрийн хүсэлтээр өгсөн мэдээлэл буруу/дутуу байсны улмаас.

4. Буцаан олголт хүсэх

Буцаан олголт хүсэхдээ contact@gadaad.mn хаягаар имэйл бичиж, захиалгын дугаараа (жишээ нь KR-2026-00123) болон шалтгаанаа дурдана уу. Бид 3 ажлын өдрийн дотор хариу өгнө.

Буцаан олгох шийдвэр гарвал тус мөнгийг QPay-ээр төлсөн дансанд нь 5-10 ажлын өдрийн дотор шилжүүлнэ (QPay-ийн боловсруулалтаас хамаарна).

5. Маргаан

Хэрэв буцаан олголтын шийдвэртэй санал нийлэхгүй бол contact@gadaad.mn хаягаар бичиж, асуудлыг шууд маргаан гэж ангилуулна уу. Бид Монгол улсын хууль тогтоомжийн хүрээнд асуудлыг шийдвэрлэнэ.

Холбоо барих →